Elín Alfreðsdóttir

“Við mælum eindregið með Elínu sem fasteignasala. Hún er heiðarleg, einlæg og þekkir fasteignamarkaðinn afar vel. Hún ber sterkan metnað til að finna lausnir og gefst ekki upp – eiginleikar sem sjaldgæfir eru í faginu. Elín hélt okkur vel upplýstum, sýndi fagmennsku og hlýju, og vann markvisst að því að ná sem bestum árangri fyrir okkur. Við treystum henni fullkomlega og myndum hiklaust leita til hennar aftur.”

“Við vorum komin með íbúð og áttum eftir að selja. Elín Alfreðsdóttir fasteignasali mætti okkur þar og hélt vel utan um allt. Hún leiðbeindi okkur og tókst á ótrúlegan hátt að selja fyrir okkur. Allt sem hún sagði stóðst og við upplifðum öryggi sem skipti okkur miklu máli. Persónuleg og hlý þjónusta sem við erum þakklát fyrir. Mælum hiklaust með Elínu.”

“Elín Alfreðsdóttir fasteignasali hefur tvisvar annast kaup og sölu fasteigna fyrir mig. Í bæði skiptin gekk allt eins og í sögu og ég get heils hugar mælt með henni.”

“Á undanförnum þremur árum hefur Elín Alfreðsdóttir selt fyrir okkur fjórar eignir og aðstoðað okkur við kaup á einni. Trúmennska, þrautseigja og virðing einkenna Elínu og veitum við henni okkar allra bestu meðmæli. Með þökkum fyrir gott viðmót.”

“Haustið 2024 settum við íbúðina okkar á sölu þar sem við höfðum fengið samþykkt kauptilboð. Við fengum aðra fasteignasölu en Valhöll til að sjá um okkar mál þar sem okkur var ráðlagt að vera með sama fasteignasala í öllu ferlinu. Íbúðin var sett á sölu, fjöldi kom og skoðaði en engin tilboð bárust og því frestuðum við flutningum. Í febrúar 2025 fengum við samþykkt kauptilboð í aðra eign og vorum ekki bjartsýn á að allt myndi ganga með okkar eign. Við heyrðum í Elínu og var hún strax jákvæð með að sjá um sölu á okkar fasteign. Elín leggur áherslu á að sýna eignir í einkasýningu sem við teljum að hafi verið mikill kostur. Aðeins nokkrum dögum eftir að eignin fór í sölu var hún seld á yfirverði. Elín er heiðarleg, jákvæð, traust og fær okkar bestu meðmæli!”

“Elín hefur séð um bæði kaup og sölu fasteigna fyrir okkur síðustu ár og hefur ávallt staðið sig frábærlega. Hún nær fljótt utan um hvað við erum að leita að og hefur einstakt auga fyrir smáatriðum. Hlý og jákvæð orka Elínar smitar út frá sér í gegnum allt ferlið og skapar traust og jákvæða upplifun. Það skín í gegn að hún hefur hagsmuni allra aðila að leiðarljósi – sem við metum mikils. Okkur finnst ómetanlegt að hafa Elínu með okkur í fasteignaviðskiptum og erum henni innilega þakklát fyrir fagmennsku og góða þjónustu.”